Япон дасгалжуулагч Оцүка Ичиро Монголд газардлаа

Монголын хөлбөмбөгийн Үндэсний шигшээ багийн шинэ ахлах дасгалжуулагч, япон мэргэжилтэн Оцүка Ичиро өчигдөр (2022.01.19) Монголд хүрэлцэн ирлээ.

Шигшээ багийг удирдаж байсан япон мэргэжилтэн Шүичи Масэ өнгөрсөн оны ссүүлээр эрүүл мэндийн шалтгаанаар нутаг буцсан билээ.
 

Монголын хөлбөмбөгийн холбоо болон Японы хөлбөмбөгийн холбооны хамтын ажиллагааны хүрээнд япон талаас шинэ мэргэжилтэн Оцүка Ичирог санал болгосон ба Үндэсний шигшээ багийн шинэ ахлах дасгалжуулагчаар ажиллахаар болсон 57 настай япон эрхмийн хувьд нэг жилийн гэрээтэй ажиллах юм.