ДУШАНБЕ: Дугуйн бөөн гараат уралдаанд Монголын 4 тамирчин хурд хүчээ сорино

Засмал замын дугуйн Ази тивийн аварга шалгаруулах тэмцээн Тажикистаны нийслэл Душанбе хотноо дөрөв дэх өдрөө үргэлжилж байна.

Тэмцээний бөөн гараат уралдаанууд өнөөдөр /2022.03.28/ эхэлж байна. Залуучуудын 17-18 насны /Men Junior/ ангиллын бөөн гараат 111 км-ийн тэмцээн Улаанбаатарын цагаар 14:30 цагаас эхлэнэ.

Манай багаас А.Даваажаргал, Б.Алтангэрэл, Б.Бат-Оргил нар эх орноо төлөөлж хурд хүчээ сорих гэж байна.  Энэ ангилалд нийт найман улсын 22 тамирчин уралдана.

Харин Men Under-23 ангиллын бөөн гараат 130 км-ийн тэмцээн Улаанбаатарын цагаар 17:30 цагаас эхлэх бөгөөд манай тамирчин Б.Амартүвшин 12 улсын 32 тамирчидтай өрсөлдөх юм.