Монгол хүү БҮХ ЯПОНЫ АВАРГААР хоёр жил дараалан тодров

З.Тэмлүүн | Zindaa.mn
2022 оны 03 сарын 30


Японы "Кашива Ниттай” ахлах сургуульд сурдаг, 18 настай монгол хүү Батбаярын Намбардагва чөлөөт бөхийн Бүх Японы ахлах сургуулийн үндэсний аварга шалгаруулах тэмцээний 125 кг-ын жинд алтан медаль хүртлээ.

Үндэсний бөхийн улсын начин Дугардоржийн Батбаярын хүү Б.Намбардагва нийт зургаан барилдаан хийж ганц ч оноо алдалгүй бүх өрсөлдөгчөө оноогоор цэвэр ялж, Бүх Японы ахлах сургуулийн аваргаар хоёр жил дараалан тодров. Тэрбээр өнгөрсөн жилийн долдугаар сард сонгомол бөхөөр хүнд жинд мөн ахлах сургуулийн аварга болж байсан юм.

Сонирхуулахад, Нигата мужад болсон 65 дахь удаагийн “Казама цом”-д түүний сурдаг "Кашива Ниттай” ахлах сургууль нь багийн тэмцээнд түрүүлж хос алтан медалийн эзэн болжээ.
 

Эх сурвалж: Mongolian Wrestling Federation

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зочин (66.181.166.196)  2022 оны 04 сарын 02

Энэ хүүхэд чөлөөтөөр явахгүй ээ, сумод л орчих санаатай яваа биз

0  |  2
Темка (202.126.88.67)  2022 оны 03 сарын 30

Мундаг гоё амжилт хүсье

0  |  0
zochin (66.181.166.134)  2022 оны 03 сарын 30

Хүүд амжилт хүсье.Нутаг ус аав ээжийнхээ нэрийг дурсгасан сайн бөх болоорой\n

0  |  0
Top