Н.Алтанхуяг гишүүн өмгөөлөгчийн хамт АТГ-т байцаалт өгнө

АТГ-аас УИХ-ын гишүүн Н.Алтанхуягийг Хөгжлийн банкны хэрэгт холбогдуулан яллагдагчаар татан шалгаж байгаа билээ.

Мөрдөн шалгалтын явцад гэмт хэрэг үйлдсэн байж болзошгүй нөхцөл байдал тогтоогдсон тул прокурорын байгууллагаас УИХ-ын гишүүн Н.Алтанхуягийн бүрэн эрхийг түдгэлзүүлж, шалгах хүсэлтээ УИХ-д хүргүүлээд байна. 

Тэгвэл УИХ-ын гишүүн Н.Алтанхуяг өнөөдөр /2022.04.27/ өмгөөлөгчийн хамт АТГ-т очиж байцаалт, мэдүүлэг өгнө. Түүнийг өнгөрсөн даваа /2022.04.25/ гарагт АТГ-аас байцаалт, мэдүүлэг авахаар дуудсан ч өмгөөлөгчийн хамт өнөөдөр байцаалт, мэдүүлэг өгөхөөр болсон юм. 

Энэ үеэрээ АТГ-аас Н.Алтанхуягт 17 хуудас бүхий баримтыг танилцуулж, тэр хүрээнд байцаалт авахаар болсон талаараа мэдэгдсэн байдаг.