"Хайрыг битгий гомдоо" маргаашнаас ТВ8 телевизийн дэлгэцнээ

"Nomadia pictures", "Тэнгэр" продакшн, "Эрхэт Монгол" групп, "Хайрын хот" зуслангийн концепцтой дөрвөн улирлын хаус хорооллын төсөл хамтран бүтээсэн, сэтгэл хөдөлгөм түүхийг өгүүлэх "Хайрыг битгий гомдоо" олон ангит уран сайхны кино энэ сарын 29-ны өдрөөс эхлэн өргөн нэвтрүүлгийн "ТВ8" телевизээр гарч эхлэх гэж байна. 

Долоо хоног бүрийн баасан, бямба гарагуудын 21:00 цагаас цацагдах тус киног IPTV-р мөн хүлээн авах боломжтой. 

"Хайрыг битгий гомдоо" олон ангит уран сайхны киноны найруулагчаар МУГЖ И.Одончимэг ажилласан бөгөөд гол дүрд СТА, жүжигчин Т.Бархүү, түүний өхөөрдөм авьяаслаг жүжигчин охин Б.Сүндари, СТА жүжигчин Ё.Алтангэрэл, Э.Урангоо, З.Номундарь, Б.Одгэрэл, Э.Тодгэрэл нар тогложээ. 
 

Нагац эгчтэйгээ хамт амьдардаг 10 настай Амина охин болоод түүний төрсөн эцэг, эхийг тойрсон ээдрээт амьдралын тухай өгүүлэх тус олон ангит уран сайхны кино 4-р сарын 22-ны өдрөөс эхлэн Univision, Ddish, Look tv-ийн видео санд орон үзэгчдийн хүртээл болоод байна. 

Хүн бүрт хайр, ухаарлыг ойлгуулах "Хайрыг битгий гомдоо" олон ангит уран сайхны киноны зураг авалтыг бүтэн зургаан сарын турш хийсэн бөгөөд нийт 16 ангийн турш адал явдлаар дүүрэн сэтгэл хөдлөм түүхээр аялаарай.