"Харанга"-ын бүх цаг үеийн "Greatest hits"

Хүний амьдрал эгэл жирийн боловч энэхэн биедээ багтахааргүй их хүслийн далай юм даа

Энэ л миний дуу минь, нэгэн зууны дуу минь... 33 жил дэлдсэн “Харанга”.

Тэд Монголын хөгжмийн урлагийн түүхэн дэх тод мөртэй, баялаг түүхтэй, чансаатай уран бүтээлтэй. Хамтлагийн уран бүтээлчид бүгд зохиосон аялгуу, туурвисан бүтээлээ үнэлүүлж, Гавьяат жүжигчин, Урлагийн гавьяат зүтгэлтэн цол хүртэж, хамтлагаараа Төрийн соёрхолт цол хүртсэн анхны бөгөөд цор ганц хамтлаг бол “Харанга” юм.

Ийм л гайхамшигтай, домог болсон хамтлагийн уран бүтээлчид 2022 оны тавдугаар 13, 14-нд “Legendary HARANGA: Greatest hits” тоглолтоо үзэгч, сонсогч олондоо хүргэх гэж байна. Тэдний 33 жилийн турш туурвисан уран бүтээлүүдээсээ шилж, бүх цаг үеийн хит 25 дууг хүргэх эл тоглолт “UB palace”-ын концертын их танхимд болно.

Тасалбарыг өнөөдрөөс эхлэн "UB Palace"-ын кассаар өдөр бүр 11:00-17:00 цагийн хооронд, мөн https://ticket.mn/event/1180/ сайтаар худалдаалж эхэллээ. Тасалбарын үнэ суудлын байрлалаас хамаарч 40, 60, 80 мянган төгрөг байна.