Задаргааны сэлбэгт ашигладаг ДӨРВӨН АВТОМАШИН шатжээ

Б.Түшиг | Zindaa.mn
2022 оны 05 сарын 20

Баянзүрх дүүргийн 2-р хороонд байрлах "Гэгээ" сургуулийн арын хашаанд "Тоёота" маркийн дөрвөн автомашин шатжээ. 

Тодруулбал, өнөөдөр буюу тавдугаар сарын 20-ны 06:00 цагт Нийслэлийн онцгой байдлын газарт "Автомашин шатаж байна" гэх дуудлага ирсэн байна.

Чингэлтэй дүүргийн Онцгой байдлын хэлтсийн Гал түймэр унтраах аврах 10-р ангийн баг дуудлагын дагуу очиход задаргааны сэлбэгт ашигладаг улсын дугааргүй гурван ширхэг “Тоёота Королла”, нэг ширхэг “Тоёота пробокс” автомашин шатаж байсан аж.

Гал түймэр унтраах баг галыг шуурхай унтраасан байна. 

Галын шалтгааныг Нийслэлийн онцгой байдлын газраас тодруулахад "Галын шалтгаан одоогоор тодорхой болоогүй байна. Шалгалт хийж байгаа" гэх тайлбарыг өглөө.
 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(203.91.115.52) 2022 оны 05 сарын 20

Нүгэл нүдээрээ гарч байгаа юм биш байгаа? Хулгайнх байх вий, сайн шалгаарай. Сэлбэгийнхэн гэж бас Украйн руу дайрдаг оросууд шиг харгис түрэмгийлэгчид байдаг.

0  |  0
Top