Жэнни болон V нар болзож байгаа тухай ШИНЭ баримт ДЭЛГЭГДЛЭЭ

Өмнөд Солонгосын А зэрэглэлийн одод болох "BTS" хамтлагийн V, "Blackpink" хамтлагийн Жэнни нар болзож байгаа гэх цуурхал дэгдээд байгаа билээ. 

Тэдний хамтдаа Жэжү арал руу явж байгаа гэх зураг цацагдсан ч үүнийг эвлүүлэг гэх таамаглалыг фенүүд нь дэвшүүлээд байсан. Харин тэднийг болзож байгаа тухай нотлох баримтуудыг нэгэн юүтүбэр дэлгэжээ. 

Түүний хэлж буйгаар Жэнни болон V нар өнгөрсөн онд ч мөн болзож байсан байж болзошгүй тухай сэжүүр гаргаж иржээ. Тэд нэгэн чулуун хөшөөний урд авахуулсан зургаа постлосон бөгөөд энэ нь АНУ-д байрладаг нэгэн жижиг дэлгүүрийн гадаа аж. Санаандгүй тохиолдлоор энд зургаа авахуулах ямар ч боломжгүй бөгөөд жуулчид болон орон нутгийнхан энэхүү газрыг тэр бүр зориод байдаггүй гэнэ. 

Мөн юүтүбэр залуу тэдний болзооны цуурхлын тухай харьяа энтертайнментуудаас нэг ч тайлбар ирүүлэхгүй байгаа нь сэжигтэй санагдаж байгааг дурдсан байна. 

Харин энэ хугацаанд Жэннитэй болзож байсан гэгдээд байсан GD-ийн хувьд яах вэ гэж үү? Түүний тухай дуулиан ч мөн гарч байна. Тэрээр өөрийн хувийн инстаграм хаягаараа Жэнниг дагахаа больсон бөгөөд GD-ийн эгч ч мөн Жэнниг дагахаа больжээ. V болон Жэнни нарын тухай шуугьж эхэлмэгц GD инстаграмынхаа нүүр зургийг дунд хуруу гаргаж буй гарны зургаар сольж, зургуудаа устгажээ. 

Үүнийг харсан фенүүд нь түүнийг маш ихээр шархалсан учраас ийм үйлдэл гаргасан байж магадгүй хэмээн таамаглаад байсан юм. Учир нь тэрээр өмнө нь үерхэж байсан найз бүсгүйчүүдээ дагасаар байсан гэнэ. 

Эцэст нь Жэнни GD-тэй болзож байхдаа V-тэй уулзаж байсан бөгөөд үүнд дургүйцсэн GD инстаграмаараа эсэргүүцлээ илэрхийлж байна гэх дүгнэлт олон нийтийн дунд бий болжээ.