ДУУЛИАН | Ким Кардашъяан дагагчдаа ХУУРСАН УУ?

Реалити шоуны од Ким Кардашъяан "Beyond meat" компанийн зар сурталчилгаанд тогложээ.

Тус сурталчилгаанд Ким барьж буй бургерээсээ нэг ч хазаагүй байж амтархан идэж буй хэсэг гардаг байна. Үүнийг харсан олон нийт тэр даруйдаа уг сурталчилгааны алдаа болон Ким Кардашъяаны хэт муу, эсвэл хэт сайн жүжиглэлтийн талаар маргалдаж эхэлсэн байна. 
 

Ургамлын гаралтай мах хэрэглэх нь хүний биед болон байгаль орчинд ээлтэй тухай сурталчилж байгаа ч үүнийг идэхээс татгалзсан нь олон хүнийг эргэлзэхэд хүргэж байна хэмээн зарим хүмүүс онцолжээ. 

"Энэ сурталчилгаанд түүнийг үнэхээр энэ бүтээгдэхүүнийг идэж байгаа гэх зүйл алга. Тэр үнэхээр идсэн юм уу? Энэ зар сурталчилгаа уг бүтээгдэхүүнийг авах хүсэлгүй болгож байна. 300 сая гаруй дагагчдаа энэ мэтээр хуурах нь тийм ч таатай зүйл биш. Дагагчдаа ашиглан мөнгө олж байгаа бол бодьтой зүйл хүргэх хэрэгтэй" гэх сэтгэгдлүүд цахим орчинд хөвөрч эхэлсэн байна. 

Мөн зарим хэрэглэгчид алдартай инфлүнсерүүдийн сурталчилгаанд шууд итгэх хэрэггүй гэх зөвлөгөөг түгээж эхэлжээ.