“ПАРИС-2024” олимпын багийн ахлагчаар Д.Сумъяабазар томилогдлоо

З.Тэмлүүн | Zindaa.mn
2022 оны 06 сарын 03

МҮОХ-ны Гүйцэтгэх зөвлөл хуралдаж, “Парис-2024” зуны олимпод оролцох Монголын багийн ахлагчаар нийслэлийн Засаг дарга Д.Сумъяабазарыг томилох шийдвэр гаргалаа.

Багийн ахлагчаар томилогдсон тухай тогтоолыг МҮОХ-ны Ерөнхийлөгч Б.Баттүшиг өнөөдөр гардуулж өгөв.

Мөн энэ үеэр Д.Сумъяабазарын спорт, олимпизмыг хөгжүүлэх үйлсэд оруулсан хувь нэмрийг үнэлэн МҮОХ-ны дээд шагнал “Алтан од” одонгоор шагнасан юм.

Нийслэлийн Засаг дарга Д.Сумъяабазарын хувьд тамирчин ахуй үедээ “Атланта-1996”, “Сидней-2000” олимпын наадамд эх орноо төлөөлөн оролцож байв.

Тэрбээр Атлантагийн олимпын нээлтэд Монголын багийн тугийг залсан бол энэ удаа Парисын олимпод оролцох Монголын багийн ахлагчийн хүндтэй бөгөөд хариуцлагатай үүргийг хүлээхээр болж байна.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (192.82.82.156)  2022 оны 06 сарын 04

Ээ зайлуул аа, арай дээр юм олдоогуй л юм байх даа, эсвэл албаар хамгийн тэнэгийг сонгоод байгаа юм уу

0  |  0
Зочин (203.98.77.101)  2022 оны 06 сарын 03

ЁООЁ БӨӨЛЖИС ХҮРЧИХЛЭЭ. ЮУ ХИЙСЭН ГЭСЭНДЭЭ ОЛИМП ЯВДАГ БАЙНА АА\n

0  |  0
Top