"Үндэсний цэцэрлэгт хүрээлэн"-гийн жолооч цэвэрлэгээ хийж байхдаа 58 НАСТАЙ ЭМЭГТЭЙГ МӨРГӨЖ, хүнд гэмтээжээ
Баянзүрх дүүргийн 26 дугаар хорооны нутаг дэвсгэрт үйл ажиллагаа явуулдаг "Үндэсний цэцэрлэгт хүрээлэн"-гийн ажилтан Б нь өчигдөр /2022.06.05/ 58 настай иргэн, эмэгтэй Б-г мөргөж хүнд гэмтээсэн хэрэг гарчээ.
Хохирогч эмэгтэй биеийн байдал хүнд, ГССҮТ-д хүргэгдсэн байна. Тэрбээр биедээ хүнд гэмтэл авсан тул өнөөдөр /2022.06.06/ хагалгаанд орох талаар эх сурвалж мэдээлэв.
Тухайн үед хохирогч эмэгтэй "Үндэсний цэцэрлэгт хүрээлэн"-нд дугуйтай явж байсан аж. Харамсалтай нь, "Үндэсний цэцэрлэгт хүрээлэн" ОНӨТҮГ-ынхан хүрээлэнгийнхээ хашааг цэвэрлэж байсан бөгөөд тус хүрээлэнгийн "Nissan Conder" гэх том оврын авто машины жолооч Б нь дугуйтай явж байсан 58 настай эмэгтэй Б-г мөргөж, дээрх осол гарсан байна.
Тэгвэл албан бус эх сурвалжийн мэдээлснээр "Үндэсний цэцэрлэгт хүрээлэн"-г арчилж, цэвэрлэх ёстой тендерт шалгарсан компани нь ажлаа хийдэггүй гэнэ. Үүнээс болж "Үндэсний цэцэрлэгт хүрээлэн" ОНӨТҮГ-ынхан өөрсдөө хүрээлэнгийнхээ хашааг цэвэрлэж, арчилдаг аж. Хэрэг гарсан өдөр "Үндэсний цэцэрлэгт хүрээлэн"-гийнхэн өөрсдөө цэвэрлэгээгээ хийж байжээ.
Бид энэ талаарх мэдээллийг дэлгэрэнгүй эргэн мэдээлэх болно.
Холбоотой мэдээ
Сэтгэгдэл ( 2 )
Ер нь наад цэцэрлэгт хүрээлэнд ажиллаж байгаа дугуй түрээсийн асуудлаа нэг тийш нь болгож цэгцлэх хэрэгтэй юм шиг санагдсан шүү. Арай л хэтэрхий олон тооны дугуй түрээслүүлж байна. Энэ янзаараа байгаад байвал мөдхөн тэнд дугуйн түгжрэл үүсэхэд их ойрхон байгаа
Tender avsan gazart buh asuudliig hariutsuulj buh zardliig n tuluul! ene joloochid ymarch hamaaguiee! tenderiinuivarchidiin umnuus ajilchin yl uureh huuli bh yosgui!