Панамын тэнгэрт Монголын төрийн дуулал хоёронтоо эгшиглэлээ

Панамын тэнгэрт Монголын төрийн дуулал хоёронтоо эгшиглэж, сурагчдын Дэлхийн аварга цолтон 2 төрж, сурагчдын Дэлхийн аварга шалгаруулах тэмцээнээс нийт 8 медаль хүртэж, 4 олон улсын цолтон төрсөн бахдам амжилт үзүүллээ.

Панам улсын Панама хотноо 2022 оны зургаадугаар сарын 10-19-ний өдрүүдэд "2022 оны шатрын Сурагчдын дэлхийн аварга шалгаруулах тэмцээн" амжилттай зохион байгуулагдаж өндөрлөлөө.

Тус тэмцээнд дэлхийн 37 орны 498 шилдэг тамирчид /7,9,11,13,15,17 насны охид, хөвгүүд/ гэсэн ангиллаар өрсөлдөж медалийн эзэд тодорлоо. Монгол Улсаас Монголын шатрын холбооны ерөнхий нарийн бичгийн дарга Ц.Батсайханаар ахлуулсан 14 өсвөрийн шилдэг тамирчид маш амжилттай тэмцээндээ оролцлоо.

7 хүртэлх насны охидын ангилалд: Ч.Нандинжигүүр мөнгөн медаль

8-9 насны охидын ангилалд: И.Цэлмүүн мөнгөн медаль, З.Энхзаяа хүрэл медаль

10-11 насны охидын ангилалд: М.маргад АЛТАН МЕДАЛЬ

12-13 насны охидын ангилалд: Г.Урангоо АЛТАН МЕДАЛЬ, Б.Хулан хүрэл медаль

12-13 насны хөвгүүдийн ангилалд: б.тэнүүнболд мөнгөн медаль

14-15 насны охидын ангилалд: Н.Энхболор хүрэл медаль

Н.ЭНХБОЛОР Дэлхийн шатрын холбооны эмэгтэй мастер /WFM/

Г.УРАНГОО Дэлхийн шатрын холбооны эмэгтэй мастер /WFM/

Б.ТЭНҮҮНБОЛД Дэлхийн шатрын холбооны мастер /FM/

М.МАРГАД Дэлхийн шатрын холбооны эмэгтэй дэд мастер /WCM/

Түүнчлэн бахдам амжилт гаргасан Монгол Улсын баг тамирчдад Шатрын Дэлхийн аварга ФИДЕ гийн ерөнхий санхүүгийн хэлтсийн дарга Жу Чен,ФИДЕ-гийн захирал Их мастер Виктор Бологан,ФИДЕ бодлого төлөвлөлтийн хэлтсийн дарга хатагтай Сония Жонссон, Индонези, Малайз Гуамын Шатрын холбооны ерөнхийлөгч нар баяр хүргэж мэндчилгээ ирүүлжээ.