“ICE TOP” хамтлагийн тоглолтыг 12,000 хүн үзжээ

Төв цэнгэлдэх хүрээлэнд өчигдөр буюу зургаадугаар сарын 18-ны өдрийн 12:00 цагаас 01:10 цагийн хооронд “ICE TOP” хамтлагийн “Миний нийслэл” шоу тоглолт зохион байгуулагдсан.

Тоглолтыг 12 мянга гаруй хүн үзсэн ба тоглолттой холбоотой цагдаагийн 102 тусгай дугаарын утсанд
 

• Амраахгүй байна гэх - 4,
• Гар утас алдсан гэх - 4,
• Унадаг дугуй алдсан гэх - 1,
• Хэрүүл маргаан болоод байна гэх - 5
• Биеэ авч явах чадваргүй согтуурсан гэх - 1 дуудлага мэдээлэл ирснийг хүлээн авч, материалжуулан шалгаж байна.

Халаасны хулгайн хэрэг үйлдэгдэхээс урьдчилан сэргийлж, найман этгээдийг шоунаас гаргасан.

Хар тамхи хэрэглэсэн байж болзошгүй 20 этгээдээс тест авч, мансууруулах эм, сэтгэцэд нөлөөт бодис илэрсэн 3 иргэнд ЦЕГ-ын Хар тамхитай тэмцэх газар, Хан-Уул дүүрэг дэх цагдаагийн газрын нэгдүгээр хэлтэс зөрчлийн хэрэг нээн материалжуулан шалгаж байна.

Эх сурвалж: Нийслэлийн цагдаагийн газар