“Монголын Балетын Үндэсний сургууль” Буриадын бүжгийн коллежтой хамтарна

Монголын олон улсын балетын хоёрдугаар уралдааныг өнгөрсөн долоо хоногт амжилттай зохион байгуулсан билээ. Энэ жилийн уралдаанд ОХУ, ОХУ-ын Бүгд Найрамдах Буриад Улс, Япон, ХБНГУ, БНСУ, БНХАУ, Испани, Куба, АНУ болон Монгол Улсын нэр хүнд бүхий олон улсын балетын шүүгчид урилгаар шүүн, шилдгүүдийг тодруулсан юм.

Энэ үеэр "Монголын Балетын Үндэсний сургууль”-тай ОХУ-ын Буриадын Бүгд Найрамдах Улсын бүжгийн коллеж хамтарсан олон улсын уралдаан, наадам, сургалтууд зохион байгуулахаар тохиролцжээ. Хамтран ажиллах гэрээг энэ сарын 17-нд үзэглэлээ.

Ирэх долоодугаар сард “Монголын балетын хөгжил сан” болон “Монголын Үндэсний балетын сургууль”-ийнхан хөрш Буриад улсыг зорин, Улаан-Үд хотод ажиллах нь ээ.