Кэби Лэйм хамгийн олон дагагчтай TИК ТОКЧИН боллоо

Нэг ч үг хэлэлгүйгээр бусдад ойлгуулах гэсэн санаагаа гаргаж чаддаг Кэби Лэйм 2020 оны гуравдугаар сараас эхлэн богино хэмжээний инээдмийн бичлэгүүд хийж эхэлсэн.

Ердөө нэгхэн жилийн дотор Тик Ток дээрх дагагчдын тоогоороо дэлхийд хоёрдугаарт бичигдэж чадсан тэрээр 2022 оны байлдаар дэлхийн хамгийн олон дагагчтай Тик Токчин болж чадлаа. 

142.9 сая дагагчийг цуглуулж чадсан тэрээр Баруун Африкын Сенегалаас гаралтай. Өдгөө Итали улсад амьдарч байгаа Лэйм цар тахлын улмаас ажлаасаа халагдаж, хүнд хэцүү үетэй нүүр тулгарчээ.

Энэ үедээ бичлэг хийн, олон нийтийн сүлжээд байршуулж эхэлсэн нь санаанд оромгүй амжилт үзүүлсэн юм. 

Түүний бусад инфлүнсерүүдээс ялгаатай нь хэтийдсэн хуурмаг төгс байдал, тансаглалаа харуулж, цэцэн үг нийтлэх бус хүмүүсийн хэтрүүлж, төвөгтэй болгодог зүйлсийг бодит амьдрал дээр хэчнээн хялбар болохыг нэг ч үг хэлэхгүйгээр үйлдлээрээ үзүүлдэг нь олон хүний талархлыг хүлээдэг билээ.