Монгол Улсын Ерөнхийлөгчид ОХУ-ын Гадаад хэргийн сайд бараалхав

М.Жавзмаа | Zindaa.mn
2022 оны 07 сарын 05

Монгол Улсын Ерөнхийлөгч Ухнаагийн Хүрэлсүхэд долоодугаар сарын 5-ны өдөр ОХУ-ын Гадаад хэргийн сайд Сергей Викторович Лавров бараалхав.

Монгол, Оросын уламжлалт сайн хөршийн найрсаг харилцаа иж бүрэн стратегийн түншлэлийн түвшинд амжилттай хөгжиж буйг Ерөнхийлөгч У.Хүрэлсүх тэмдэглэв.

Монгол Улсын Ерөнхийлөгчийн 2021 оны 12 дугаар сард ОХУ-д хийсэн албан ёсны айлчлалын үеэр тохирсон асуудлуудыг хэрэгжүүлэх, худалдаа, эдийн засгийн хамтын ажиллагааг эрчимжүүлэх нь чухал байгааг онцлов. Цаашид хамтын ажиллагааг шинэ агуулгаар баяжуулахад талууд анхаарах шаардлагатайг дурдав.

Гадаад хэргийн сайд С.В.Лавров Монгол Улсын Ерөнхийлөгчид хүлээн авч уулзсанд нь талархал илэрхийлээд, ОХУ-ын Ерөнхийлөгч В.В.Путины мэндчилгээг уламжлав. Мөн хоёр улсын харилцааг бүхий л салбарт хөгжүүлэхийн төлөө байгааг тэмдэглэж, бүх талаар хамтран ажиллахаа илэрхийлэв.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
ZOCHIN(101.189.70.83) 2022 оны 07 сарын 05

UGN MONGOL HUN II MUNN CHANAR N.. GUIJ YVAA MORI..ORGOJ YVAA HORIGDOLIIG BARIJ HORIDOGGUI YSNAASAA HUN CHANARTAI ARD TUMENSHUU... GAGTCHUU ORSUUD BHEZEE CH MONGOLCHUUDIIG DEEDELDEGGUI UURD VMUNHUD DOOSH NJ HIIDEGSHDEE\nTA NAR HAMGIIN EHLEED TATVAR AA HAR... HIL GHAALIA HAR.MONGOL HUMUUSUUG HAMGIIN DOOD SHATAND HUNDELDEGEE HAR\nGETEL MONGOLCHUUD UURGELJID OROSUUDIIG HUNDELJ HARITCDAG\n YG ODOOGIIN BUH DELHII NUUR BURUULSAN TCAGT CH MONGOLCHUUD HUN CHANAR AA HARUULDAG..

0  |  0
Top