ЖҮДО: Ё.Басхүү Азийн аварга боллоо

Жүдо бөхийн Ази тивийн аварга шалгаруулах тэмцээн Казахстаны Нур-Султан хотноо хоёр дахь өдрөө үргэлжилж байна. 

Тэмцээнд 17 улсын 168 шилдэг тамирчид өрсөлдөж байна.

Монголын шигшээ багийн бүрэлдэхүүнд олимпийн хүрэл медальт Ц.Цогтбаатар, Ё.Басхүү, Б.Хорлоодой нарын 17 бөх багтан, Азийн аваргын төлөө өрсөлдөж байгаа билээ.

Эрэгтэйчүүдийн -66 кг-д өрсөлдсөн ОУХМ Ё.Басхүү өчигдөр (2022.08.04) алтан медалийн төлөө Японы Рёома Танакаг ялж, Азийн аварга болсон. Мөн одоогоор эмэгтэйчүүдийн -52 кг, -48 кг-д өрсөлдсөн Г.Наранцэцэг, Б.Хорлоодой нар хүрэл хүртээд байна. 

Өнөөдөр Ц.Цогтбаатар, Б.Ганхайч, Г.Алтанбагана, Ц.Энхчимэг нарын бөхчүүд Азийн аваргын төлөө өрсөлдөнө.