Б.Мөнгөнзул АЛТ хүртэж, Т.Мөнхзул Их мастерын болзол биелүүлэв

З.Тэмлүүн | Zindaa.mn
2022 оны 08 сарын 10


Ц.Энхтүвшин, "Таван цагариг"

Энэтхэгийн Ченнай хотод 12 хоногийн турш үргэлжилсэн 44 дэх удаагийн Шатрын олимпиад өчигдөр (2022.08.09) өндөрлөлөө.

Олимпиадын сүүлчийн өдөр буюу 11 дэх өрөгт манай эрэгтэй баг Кыргызстаны багийг 2,5: 1,5 оноогоор хожиж, ( Д.Батсүрэн, Б.Гүндаваа нар хожил авч, С.Ган-Эрдэнэ тэнцэн, Г.Амартүвшин хожигдсон), манай эмэгтэй баг Францын шатарчидтай 2:2-оор "эвийн гэрээ" байгуулав ( А.Энхтуул хожигдон, Б.Баярмаа хожил авч, Т.Мөнхзул, Б.Мөнгөнзул нар тэнцсэн).

Манай эрэгтэй баг 188 багаас 35 дугаар байрт, эмэгтэй баг 162 багаас 15 дугаар байрт шалгарлаа.

Н.Гаприндашвилигийн цом буюу эрэгтэй, эмэгтэй багийн нийлбэр дүнгээр Монголын шатрын холбоо дэлхийд 24 -т эрэмбэлэгдлээ.

Ширээний дүнгээр эмэгтэйчүүдээс дөрөвдүгээр ширээнд Бат-Эрдэнийн Мөнгөнзул нэгдүгээр байр эзлэн, алтан медаль хүртлээ. Тэрбээр нийт 10 өрөг тоглож, 8 хожил, 1 тэнцээ, 1 хожигдон ийн ширээндээ тэргүүлэв.

Гуравдугаар ширээнд Төрмөнхийн Мөнхзул 11 өрөг тоглохдоо 5 хожил, 6 тэнцээтэй, нэг ч хожигдолгүй тэмцээнээ өндөрлүүлж, ширээндээ 6 дугаар байр эзэлсэн төдийгүй, эмэгтэй ИХ МАСТЕР цолны болзлыг биелүүллээ.

Мөн нэгдүгээр ширээнд А.Энхтуул 19-д, эрэгтэйчүүдээс гуравдугаар ширээнд Б.Гүндаваа 16- р байрт буюу "Топ-20"-д багтлаа.

Эрэгтэй баг "В" категоридоо зургадугаар байрт мөн шалгарав.
 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
mnbvcб(176.66.87.78) 2022 оны 08 сарын 10

Тэнэг бөхийг шагнаснаас ухаант шатарчинг шагнасан н дээр...

0  |  0
Чимэд(124.158.65.119) 2022 оны 08 сарын 10

ямар компани хэнд нь джип өгөв. 3 өрөө байр хэн гээч нь өгөв гээд хартал манай баян компаниудад оюуныг үнэлдэг нэг ч захирал байдаггүй юм байна. Яаж баяжсан хүмүүс вэ гээд сонирхол татаад ”хартал”дандаа шалгагдаж байцаагдаж явсан байхюм Ухаан зарж хөрөнгө босгосон хүн алга болж таарлаа.Дандаа хулгай луйвраар баяжсан гэж үү.Гадаад орны хүмүүстэй наймаа хийж хожиж баяжаагүй хөөрхий биднийхээ хармааныг хоосолсон хүмүүс мөн бололтой

0  |  0
орхон(66.181.160.2) 2022 оны 08 сарын 11

мундаг байнаа бүгдэд нь амжилт хүсье.

1  |  0
Top