Б.Энх-Амгалан: Намайг АТГ-аас Дарханы замаар шалгаагүй, байцаалт аваагүй

АТГ-аас Дарханы замын асуудлаар Зам, тээврийн хөгжлийн яамны зарим албан тушаалтнуудыг шалгаж эхэлсэн билээ. Түүнчлэн Зам тээврийн хөгжлийн сайдаар ажиллаж байсан УИХ-ын гишүүн Б.Энх-Амагаланг шалгаж байгаа гэх мэдээлэл цацагдсан. 

Тэгвэл дээрх асуудалд УИХ-ын гишүүн Б.Энх-Амгалан тайлбар өгчээ.

Тэрбээр "Өнөөдрийн байдлаар АТГ-аас надаас мэдүүлэг авсан, тайлбар авсан зүйл алга. Шалгасан зүйл алга. Юмны учир олдох байлгүй дээ. Би шалгуулахад бэлэн, шалгаж тогтоох ёстой. Буруутанг олох ёстой, сайн шалгах хэрэгтэй" гэх тайлбарыг өглөө.