Анжелина Жоли Брэд Питтийг "угаалгын өрөөний хана руу түлхсэн" хэмээн мэдүүлжээ

Анжелина Жоли болон Брэд Питт нар 2016 онд хувийн онгоцондоо зодолдсон тухай мэдээлэл цацагдаж эхлээд байгаа билээ. Уг үйл явдлын үеэр Анжелина Жолигийн гар болон нуруу зэрэг нь гэмтсэн бөгөөд гэмтлийн зургууд олон нийтэд дэлгэгдээд байна. 

Холбооны мөрдөх товчооны тайланд Жоли, Питт нарын маргаан ширүүсч эхлэх үед Брэд Питт Жолиг угаалгын өрөөний хана руу түлхэн, хоёр гараараа толгой болон мөрнөөс нь барин сэгсэрч байсан тухай тэмдэглэгдэн үлджээ. 

Энэ үед Брэд Питт согтууруулах ундаа хэрэглэсэн байсан бөгөөд Жолигийн толгой дээр шар айраг асгасан гэнэ. Жолигийн зүгээс эдгээр мэдүүлгийг өгсөн бөгөөд тухайн үедээ Брэд Питтэд ямар нэгэн ял тулгаагүй байна. 

Уг хэргийн хөөн хэлэлцэх хугацаа дууссан. Тиймээс энэхүү мэдээлэл цацагдаж эхэлсэн нь Брэд Питтийн нэр хүндийг унагаах зорилготой хэмээн эх сурвалжууд дурдаад байгаа аж.