"Тоонот" рекордсынхон тоглолтынхоо дундуур САЙН ҮЙЛСИЙН АЯН өрнүүлнэ

"Тоонот" рекордсын залуус энэ баасан гарагт Сүхбаатарын талбайд "Toonot 21x21" төслийнхөө хаалтын тоглолтыг хийхээр болсон. Үнэ төлбөргүйгээр зохион байгуулагдах уг тоглолтынхоо дундуур тэд "Сайн үйлсийн аян" эхлүүлэхээр төлөвлөжээ. 

"ТВ8" телевизийн эфир болон "TOONOT RECORDS", "TV8 MONGOLIA" фэйсбүүк хуудсуудаар шууд дамжуулах бөгөөд та интернет холболттой аль ч газраас энэхүү хандивын аянд нэгдэх боломжтой аж. 

Таны өгсөн хандив “Лантуун дохио” ТББ “Ид шидийн орон”-той хамтран нэг ч төгрөгийн шимтгэлгүйгээр 100 хувь сайн үйлсийн аянд зарцуулагдах гэнэ. Данс хөтлөлтийг шилэн байдлаар КАПИТРОН БАНК-тай хамтран нийтэд ил тод зарлах бөгөөд хандивын данс есдүгээр сарын 9-ий өдрийн 20:00 цагаас нээгдэж шөнийн 00:00 цагт хаагдах ажээ.