ТООНОТ | World Tour эхэллээ...

21 аймагт өөрсдийн тоглолтоо үнэ төлбөргүйгээр зохион байгуулсан "Тоонот" рекордсын залуус “Toonot 21x21” төслийн хаалтын тоглолтоо Сүхбаатарын талбайд өнгөрөгч баасан гарагт хийлээ. 

Эрч хүчний ундарга болсон тэдний дуу хоолой хот даяар тархаж, үнэнч фенүүдээ баярлуулсан. Тоглолт мөн л үнэ төлбөргүйгээр зохион байгуулагдсан бөгөөд тоглолтын дундуур Сайн үйлсийн аян өрнүүлж, цугларсан нийт мөнгийг "Ид шидийн оронд" хандивласан юм.

Ойр хавийн зам талбайд түгжрэл үүссэн байсан нь ямар хэмжээний эрэлттэй тоглолт болсныг нь илтгэнэ. Эх орноо бүтэн тойрсон тэд тун удахгүй хилийн чанадад суугаа Монголчууддаа зориулан тоглолт зохион байгуулахаар төлөвлөжээ. 

Мөн дэлхийн хэмжээнд үнэлэгдэх уран бүтээлч гаргах хэтийн зорилготой буйгаа илэрхийлсэн "Тоонот"-ын залуус зорилгодоо хүрч, дэлхийн тайзнаа гялалзах өдөр тун удахгүй ирэх биз ээ.