Хаа ч явсан цуг гэж мэдээрэй...

Урлагийнхан хоорондоо дотно нөхөрлөх нь бий. Үүн дундаа жүжигчин О.Дөлгөөн, Б.Одончимэг нар энд тэндэхийн арга хэмжээ, улаан хивсний ёслолд ихэвчлэн хамтдаа яваа харагддаг. 

Тэд энэ удаад "Фантастик" продакшны шинэхэн уран бүтээл болох "Зура 2: Цурам ажиллагаа" УСК-ны нээлтэд хамтдаа хүрэлцэн иржээ. Гоо үзэсгэлэн, авьяас чадвараараа үеийнхэн дундаа толгой цохидог тэд VIP аялалд хоёулхнаа явсан нь хэрхэн нөхөрлөдгийг нь батлах биз. 

Б.Одончимэгийн хувьд "Фантастик" продакшныхантай салшгүй холбоотой нэгэн. Ураг төрөл, уран бүтээлээр холбогдсон продакшныхаа кино нээлтэд ихэмсэг гэгч нь хүрэлцэн ирсэн тэрээр гэрэл зурагчны дуранд ийн буужээ.