Lil Pump-ийн тухай ФАКТУУД

Америкийн реппэр Lil Pump 2017 онд гаргасан "Gucci Gang" дуугаараа дэлхийд алдартай болсон билээ. 2000 оны наймдугаар сарын 17-нд Флорида мужийн Майами хотод төрсөн түүний жинхэнэ нэрийг Гэззи Гарсиа гэдэг. 

Түүний эцэг, эх нь Колумб гаралтай бөгөөд зургаан настай байхад нь хоёр тийш болжээ. Дунд сургуульд байхдаа үймээн дэгдээж, зодоон хийсэн хэргээр хэд хэдэн удаа сургуулиасаа хөөгдөж байсан. Түүнийг харгис, хэрцгий үйлдэл гаргасан тул ойр хавийнхаа улсын сургуулиудад элсэхийг хориглосон шийдвэр гарч байжээ. 

Lil Pump өнгөрөгч наймдугаар сард Монголд хүрэлцэн ирж "XMF"-д оролцсон. Дэлхийг тойрсон аялан тоглолтынхоо үеэр ирсэн түүний тухай фактуудаас хүргэе. 

1. Lil Pump 2020 оны сонгуулийн үеэр Дональд Трампыг дэмжснийхээ дараа 300.000 дагагчаа алджээ. Индэр дээр байсан Дональд Трамп түүний нэрийг LIl Pimp хэмээн андууран дуудсан нь нэг хэсэгтээ шуугиан тарьжээ. 
 

2. Kanye West-тэй хамтарсан дуу нь түүнийг оддын эгнээнд авчирсан.

3. Эмбер Рөүзтэй болзож байгаа гэх цуурхалд өртөж байсан. 

4. Реппэр J.Cole-ийг карьераа эхлүүлсэн цагаас хойш дисс хийсэн. J.Cole 1985 дуугаараа түүнд хариу барьж байсан. 

5. 2017 онд түүний хөрөнгийг 150.000 орчим ам.доллар хэмээн үнэлж байсан. Харин "Gucci Gang" дуу гарсны дараа 10 сая ам.долларт хүрсэн тухайгаа инстаграм хуудсаараа дамжуулан хэлсэн удаатай. Үүнээс хойш түүний хөрөнгө тасралтгүй өссөөр байгаа гэдэг. 
 

6. Lil Pump реппэр болохын тулд Харвардыг орхисон гэж өөрөө ярьсан гэдэг. Гэсэн ч одоогоор түүнийг үнэхээр Харвардад сурч байсан гэх нотолгоо ил байдаггүй.

7. Lil Pump iCarly-ийн жүжигчин Миранда Коскгроуг крашилдаг байсан. 
 

8. Түүнийг хар тамхи хэтрүүлэн хэрэглэсний улмаас нас барсан гэх цуурхал 2017 онд гарч, Lil Peep хэмээх нэртэй өөр нэгэн реппэртай андуурч байжээ. Lim Pump, Lil Peep нар сайн найзууд байсан гэдэг. 
 

9. Тэрээр буу эзэмших насанд хүрээгүй байхдаа байшин руугаа хий буудан, саатуулагдаж байсан ба шагайнд байршил тогтоох төхөөрөмж зүүн, суллажээ.

10. Түүнийг хип хоп ертөнцийн "Бяцхан хаан" хэмээн өргөмжилдөг. 

11. Шүтэн бишрэгчидтэйгээ уулзахын өмнө марихуан татаж буй нь камерт өртөж байсан. Хамгаалалтын албаныхан түүнийг зогсоохыг оролдсон ч тэр үүндээ огт санаа зовохгүй байгаагаа илэрхийлсэн байдаг. 

12. Үнэмлэхгүй жолоо барьж байгаад цагдаад баригдаж, тэнсэн харгалзах ял сонссон удаатай. 

13. Түүнийг твиттер болон инстаграм хуудаснаа садар самуунд уриалсан бичлэг оруулсан тул нийтлэл оруулах эрхийг нь хасаж байжээ. 

14. Хууль бус зэвсэг ашигласан хэргээр баривчлагдаж байсан. 

15. Lil Pump тоглолтынхоо дундуур тайзнаас бууж, шүтэн бишрэгчийнхээ нүүр рүү өшиглөж байсан. Түүнийг уураа хянах чадваргүй гэж дүгнэх нь бий. 

16. Түүнийг амиа хорлох оролдлого хийж байсан гэж бичдэг. Хэд хэдэн удаа амиа хорлох гэж байгаа тухайгаа бичиж үлдээн, ам руугаа буу тулгаж буй зургаа ч олон нийтийн сүлжээнд нийтэлж байсан. 

17. iCarly киноны жүжигчин бүсгүй өөрийнх нь хүүхдийг төрүүлсэн тухай тэр олон удаа ярьж байсан. Гэхдээ энэ яриа бас л олон нийтэд батлагдаагүй байна.