Бөхчүүдийг хоёр өдөр бүртгэнэ

Их Монгол Улс байгуулагдсаны 805, Хүннү гүрэн байгуулагдсаны 2220, Ардын хувьсгалын 90 жилийн ойн баяр наадамд барилдах бөхчүүдийн бүртгэл өнөөдөр эхэлнэ. Бүртгэл өнөөдөр, маргааш хоёр хоног үргэлжлэх бөгөөд 10.00-18.00 цагийн хооронд Монгол бөхийн өргөөнд болох юм байна. Бөхчүүд бүртгүүлэхдээ цолныхоо үнэмлэх болон хоёр хувь цээж зурагтай өөрийн биеэр ирэх шаардлагатай ажээ. Харин өсвөр үеийн барилдаанд хүчээ сорих хөвгүүдийг өнөөдөр бүртгэж дуусах бөгөөд бүртгэл Монголын хүүхдийн ордонд явагдана. Энэ барилдаанд 1995 оны нэгдүгээр сарын 1-нээс хойш төрсөн хөвгүүд оролцох юм.

Эх сурвалж: Монголын мэдээ сонин