Эрс өөрчлөгдсөн Мадоннаг фенүүд нь таньсангүй

Дуучин Мадонна өнгөрсөн ням гарагт өөрийн инстаграм хуудаснаа нэгэн бичлэг оруулсан нь фенүүдийг нь багагүй цочирдуулжээ. 

Ягаан өнгийн үс, цайвар хөмсөг, зүрхэн хэлбэртэй нүүр, зузаан уруул бүхий дүр төрхтэй байсан түүнийг фенүүд нь "хачирхалтай" хэмээн дүгнэсэн байх бөгөөд өмнөхөөсөө тэс өөр харагдаж байгаа учир таниагүйгээ илэрхийлжээ. 

Энэ жил 64 нас хүрч байгаа түүнийг 20 настай эмэгтэй шиг харагдахын тулд филлер хэтрүүлэн хэрэглэсэн байж болзошгүй хэмээн зарим хүмүүс дүгнэжээ. 

Зарим хүмүүс түүнийг Мерилин Менсонтой адилхан харагдаж байгааг онцолсон байна. Гэсэн ч хүнийг гадаад төрхөөр нь шүүмжлэх нь бүдүүлэг үйлдэл учраас шүүмжлэхгүй байхыг хүссэн үнэнч фенүүд нь түүний эрч хүч, шинэлэг байдлыг сайшаажээ.