Загварын шоун дээр хөхөвчгүй ирсэн алдартан шуугиан тарив

Хэдийгээр к-поп ертөнц дэвшилтэт зүйл олонтой мэт санагдаж болох ч алдартнууддаа хатуу шаардлага тавьдаг гэдгээрээ алдартай. Уламжлалт болон орчин үеийн чиг хандлагыг хослуулах хэрэгтэй болдог тэдэнд хэт ил задгай байдал хориотой байдаг. Эрсдэлтэй алхам хийх юм бол интернэт хэрэглэгчдийн олз болж, дайралтад өртдөг тул хийж буй алхам бүртээ анхааралтай ханддаг. 

Харин (G)I-DLE хамтлагийн гишүүн Со Ён өмссөн хувцас, дууны үг, өөрийн арга барилаараа дотоод хүнээ зоригтойгоор илэрхийлдэг нэгэн. Тэрээр Сөүлийн загварын долоо хоногт оролцохдоо хөхөвчгүй ирсэн нь интернэт хэрэглэгчдийн дунд багагүй шуугиан дэгдээлээ. 

Бусад алдартнуудыг бодвол ил задгай хувцас зоригтойгоор өмсдөг түүнийг энэ удаад Мерилин Монротой төстэй харагдаж байгааг олон нийт онцолжээ.

Со Ён өмнө нь нисэх онгоцны буудал дээр дотуур хувцас нь гэрэлтсэн хувцастай ирж байсан. Мөн хөхнийхөө доод хэсгийг гаргасан хувцаслалттай сэтгүүлийн зураг авалтад оролцсон нь хэнээс ч, юунаас ч үл хамаарах зоримог байдлынх нь илэрхийлэл хэмээн олон нийт дүгнэдэг.