В.Охрызко: Оросын элитүүд нууц хэлэлцээ хийж эхэлсэн

Украины Гадаад хэргийн сайд асан ОХУ-ын Ерөнхийлөгч Владимир Путиний тойрон хүрээлэгчид яг дайны нөхцөл байдлын үед Кремлийн удирдагчийг албан тушаалаас нь буулгах талаар хэлэлцэж байгаа талаар мэдээлжээ.

"Украины шинэ дуу хоолой" сонин мягмар гарагт нийтэлсэн санал бодлоо илэрхийлэх нийтлэлдээ Володимир Охрызко эдгээр нууц яриа хэлэлцээ нь оролцогчдын эрх ашгийг хамгаалахын тулд В.Путинээс салах зорилготой гэж бичжээ. Тэрбээр Путиний араар маш олон зүйл өрнөж байгаа. Гэхдээ энэ талаар тэр юу ч мэдэхгүй.  Гэхдээ Оросын хувьд өнөөгийн туйлын гамшигт нөхцөл байдлаас ихээхэн хохирол амсах В.Путиний хажууд байгаа хүмүүс түүнийг аюулгүй байдлынхаа төлөө солих талаар бодох нь гарцаагүй. Цаашид санхүүгийн ашиг олж, Баруун дахь өмнөх диваажингийн амьдралдаа эргэн орох болно" гэжээ. В.Охрызко 200-2009 онд Украины Гадаад хэргийн сайдаар ажиллаж байжээ.

Сергей Шойгу Путиний залгамжлагч байх магадлалтай юу

Сергей Шойгу бол ОХУ-ын Батлан хамгаалахын сайдаас гадна Владимир Путиний баруун гар юм. Удирдагчийнхаа дэргэд үргэлж байсан цэргийн офицер тэрбээр ОХУ алдагдсан эзэнт гүрний сүр жавхлангаа эргүүлэн авах ёстой гэсэн үзэл бодолтой нэгэн.

Шойгу Путиний залгамжлагч байх магадлал хэр өндөр вэ

Сергей Кужугетович Шойгу 1955 оны тавдугаар сарын 21-нд Москвагаас 3000 гаруй милийн зайд, Монгол Улстай хиллэдэг Тувагийн өөртөө засах мужид орших Чадан хотод төржээ. Түүний эцэг эх нь орон нутгийн сонины редактор Кужугет Шойгу, Александра Кудрявцева нар байв.

Тувагийн нэршил

Кужугет Сереевич Шойгу тува хэлээр гардаг сонины эрхлэгчээр ажиллахын зэрэгцээ орон нутгийн коммунист намын эгнээнд дэвшиж, улмаар Бүсийн хорооны нарийн бичгийн дарга болжээ. Шойгу бол эцгийнх нь нэр, харин Күжүгэт бол жинхэнэ овог юм. Орон нутгийн паспортын ажилтан тэднийг хольж хутгасан бөгөөд гэр бүлийнхэн нь үүнийг өөрчлөх шаардлагагүй гэж үзээгүй.

Сергей Шойгу мөн ЗХУ-ын дунд үед өсөж торниж, орон нутгийн Коммунист намд нэр хүндтэй гэр бүлд харьяалагддаг байснаас гадна Христийн Ортодокс шашинд баптисм хүртсэн юм. Инженер ОХУ-ын ирээдүйн Батлан хамгаалахын сайд 1977 онд Красноярскийн Политехникийн дээд сургуулийг барилгын инженерээр төгссөн.

Дээд шат руу

Шойгу 1990 онд Москвад нүүж, ОХУ-ын Төрийн архитектур, барилгын хорооны орлогч даргаар томилогдсон. 1991 онд тэрбээр Онцгой байдлын улсын хорооны дарга болсон.

В.Путиний  танхим

1994-2012 онд ОХУ-ын Иргэний хамгаалалт, онцгой байдал, байгалийн гамшгийн үр дагаврыг арилгах асуудал эрхэлсэн сайдаар ажиллаж байсан. Шойгу үргэлж В.Путинд үнэнч хэвээр байсан. Зарим шинжээч түүнийг магадгүй түүний хамгийн дотны найз, амралтаараа хамт Сибир явдаг, ойд удаан алхдаг хүн гэж дүгнэдэг.

Москвагийн захирагч

2012 оны тавдугаар сараас арваннэгдүгээр сар хүртэл Сергей Шойгу Москва мужийн захирагчийн албан тушаалыг хашиж байсан. Арваннэгдүгээр сарын 6-нд тэрбээр Ерөнхийлөгчийн зарлигаар ОХУ-ын Батлан хамгаалахын сайд болж, Анатолий Сердюковын оронд томилогдов.

Бүхнийг чадагч

Батлан хамгаалахын сайд

Сергей Кужугетович 2018, 2020 онд Батлан хамгаалахын сайдын албан тушаалд дахин томилогдсон. Түүнчлэн В.Путиний санал болгосноор 2021 онд болох Нэгдсэн Орос намын сонгуулийн жагсаалтад багтжээ.

Орчин үеийн Оросын генералын төгс жишээ

Сергей Шойгугийн хэлснээр цэргийн алба нь "ёс суртахууны гол цөм"-ийг бүрдүүлдэг боловч хачирхалтай нь тэрбээр Батлан хамгаалахын сайд, армийн генерал цолтой ч Зэвсэгт хүчинд хэзээ ч алба хаагаагүй юм.

В.Путиний өв залгамжлагч уу

 Оросын улс төрийн зарим шинжээч Сергей Шойгуг хэзээ нэгэн цагт Оросын удирдагч болох Владимир Путиныг орлож магадгүй гэж таамаглаж байна.

Аавын алхмыг дагаж байна

Сергей, Ирина Шойгу нар хувийн амьдралынхаа нарийн ширийн зүйлийг хуваалцах дургүй ч охид нь түүний замаар улс төрд хөл тавьсан юм. Хамгийн том хүүхэд болох Жулиа бол мэргэжлийн сэтгэл зүйч бөгөөд Оросын Онцгой байдлын яамны сэтгэл зүйн тусламжийн төвийн захирлаар ажилладаг. Ксения бол Путиний засаг захиргааны спортын салбарын төрийн албан хаагч юм.

Ц.ДАВААСАМБУУ

Эх сурвалж: Өглөөний сонин