Женни тайзан дээр хэт задгай хувцасласан гэх шүүмжлэлд өртөв

Дэлхийн хэмжээний к-поп шүтээн, алдар хүндийг үргэлжид санал шүүмжлэл дагаж байдаг. Дэлхийн хэмжээний "Born Pink" аялан тоглолтоо хийж байгаа "Balckpink" хамтлагийн гишүүн Женни ч мөн сүүлийн үед олон нийтээс шүүмжлэл хүртэх болжээ. 

Тэрээр аялан тоглолтын үеэр хэт задгай хувцаслаж, тверк бүжиглэсэн нь шүүмжлэлд өртөх гол шалтгаан болсон байна. Хэт богино банзал, хөхөвчтэйгөө цааш харан зогсож, өгзөгөө сэгсэрч байгаа нь бичигдэн үлдсэн байх бөгөөд сүүлийн үед хэт задгай хувцаслах болсон нь фенүүдийнх нь санааг зовоож эхэлжээ. 

Зарим хүмүүс түүний стилистийг буруутгаж байгаа бол зарим хүмүүс энэ бүхэн Женнигийн өөрийнх нь сонголт хэмээн дүгнэжээ. 

Тэрээр дан ганц шүүмжлэл хүртсэнгүй. Зарим интернэт хэрэглэгчид гадаад хамтлаг дуучдын тоглолт дээр үүнээс ч задгай хувцаслалт болон үйлдлүүд гардаг тухай учирласан байна. Мөн тэд Женниг өөрийнхөөрөө, хүссэн бүхнээ хийж чаддаг, зоригтой нэгэн хэмээн үнэлсэн байна.