АНУ-ын баг Жу Гюү Соны гэр бүлийнхэнд НОГООН КАРТ санал болгожээ
.jpg)
2022 оны хөлбөмбөгийн ДАШТ-ий онцлох тоглогчдын нэг БНСУ-ын шигшээ багийн 9 номерын тоглогч Жу Гюү Сон хамгийн царайлаг хөлбөмбөгчдийн нэгээр шалгараад буй.
Ур чадвар төдийгүй гадна төрхөөрөө хөлбөмбөг сонирхогчдын анхаарлыг татаад буй Жу Гюү Сон "Жонбүк Хьюндай Моторс" багт тоглодог. Түүнийг багтаа авахаар Шотландын "Celtic", Германын "Mindz" багууд өрсөлдөж байгаа талаарх мэдээлэл өмнө нь цацагдаж байсан. Харин энэ удаад АНУ-ын "Minnesota United" баг Жу Гюү Соны төлөөх өрсөлдөөнд нэгджээ.
АНУ-ын "Minnesota United" багийн эзэн ямар ч үнээр хамаагүй Жу Гюү Соныг авах хүсэлтэй байгаагаа илэрхийлжээ. Тус баг Жу Гюү Соныг 5 сая ам.доллараар худалдан авах санал тавьсан бол "Celtic" болон "Mindz" багууд 3.650.000 ам.доллар санал болгосон байна.
Мөн "Minnesota United" багаас Жу Гюү Соны гэр бүлийн бүх гишүүдэд ногоон карт санал болгосон нь олон нийтийн анхаарлыг ихээр татаад байна. Одоогийн байдлаар Жу Гюү Сон энэ тал дээр ямар нэгэн хариу хэлээгүй байгаа ажээ.
Холбоотой мэдээ
Сэтгэгдэл ( 0 )