2022 оны ДЭЛХИЙН шилдэг жүдочид Ц.Цогтбаатар нэр дэвшжээ

Олон улсын жүдо бөхийн холбоо (IJF)-ноос 2022 оны дэлхийн шилдэг эрэгтэй, эмэгтэй жүдочид нэр дэвшиж буй тамирчдын нэрийг зарлалаа.  

Дэлхийн шилдэг жүдочдыг шалгаруулах "Judo Awards" ёслолын ажиллагаа ирэх хоёрдугаар сарын 5-нд Парисын их дуулгын үеэр болох юм.

Тус шагналын оны шилдэг эрэгтэй тамирчинд манай улсаас МУГТ, дэлхийн аварга Ц.Цогтбаатар нэр дэвшсэн байна. 

Санал асуулга нэгдүгээр сарын 12-31-ний хооронд болно. Энэ хугацаанд уншигч та бүхэн https://awards.ijf.org/ хаягаар нэвтэрч саналаа өгөх боломжтой.

Оны шилдэг эрэгтэй жүдочид нэр дэвшиж буй тамирчид:

1. Тато Григалашвили (Гүрж)
2. Энди Гранда (Куба)
3. Давлат Бобонов (Узбекистан)
4. Цэнд-Очирын Цогтбаатар (Монгол)
5. Хифүми Абэ (Япон)

Оны шилдэг эмэгтэй жүдочид нэр дэвшиж буй тамирчид:

1. Үта Абэ (Япон)
2. Роман Дико (Франц)
3. Рафаэла Силва (Бразил)
4. Барбара Матич (Хорват)
5. Майра Агиар (Бразил)