Б.Жагар намаа бүртгүүлэхээр Дээд шүүхэд ханджээ

Б.Эрхэс | Zindaa.mn
2023 оны 02 сарын 27

Иргэн Б.Жагараас Улсын дээд шүүхэд өнөөдөр /2023.02.27/ өргөдөл ирүүллээ. Уг өргөдөл нь “Сайн ардчилсан иргэдийн нэгдсэн нам (САИНН) үүсгэн байгуулсныг улсын бүртгэлд бүртгүүлэх” агуулгатай байна хэмээн Улсын Дээд шүүхээс мэдээллээ.

Сануулахад, өнгөрөгч 2022 оны арванхоёрдугаар сард Сайн Ардчилсан Иргэдийн Нэгдсэн Нам  (САИНН) үүсгэн байгуулсныг улсын бүртгэлд бүртгүүлэх тухай иргэн Б.Жагарын өргөдлийг Улсын дээд шүүхийн нийт шүүгчдийн хуралдаанаар тус намыг үүсгэн байгуулах өргөдлийг хэлэлцэж байсан юм. Улмаар өргөдөлд хавсаргасан баримт нь Улс төрийн намын тухай хуулийн 8 дугаар зүйлийн 8.2, 9 дүгээр зүйлийн 9.3.7 дахь заалтуудад нийцээгүй тул мөн хуулийн 10 дугаар зүйлийн 10.1.3, 10.1.6-д зааснаар улс төрийн намын бүртгэлд бүртгэхээс татгалзаж шийдвэрлэсэн байдаг. 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Zochin (86.111.136.175)  2023 оны 02 сарын 28

Jagariin namiig burtgeecheee.Huuchin AN iin heden hulgaich nariig bodbol hamaagui zub shudarga zaluus gej boddig

0  |  0
Top