Автомашин угаалгын газрууд зөвхөн СААРАЛ УС хэрэглэнэ

Автомашин угаалгын газруудыг цэвэр усаар машин угаахыг хориглоно гэж өчигдөр /2023.03.13/ БОАЖ-ийн сайд Б.Бат-Эрдэнэ мэдэгдлээ.

Нийслэл хотод өөрсдийн зориулалтын байртай, албан ёсны зөвшөөрөлтэй үйл ажиллагаа явуулж байгаа 240 гаруй автомашин угаалгын газар байна. Тэдгээр угаалгын газрууд өдөрт дунджаар 2000 тонн цэвэр усыг цэвэрлэгээнд хэрэглэдэг аж.

Харин Ус сувгийн удирдах газартай гэрээтэй 134 автомашин угаалгын төв нийслэлд байгаагаас 34 нь саарал ус хэрэглэдэг байна.

Саарал ус ашигладаг угаалгын газрын тоо 2020 оноос хойш төдийлөн нэмэгдээгүй. Угаалгын газрын ажилтнуудын хэлж буйгаар төхөөрөмж нь хэт үнэтэй, төлбөрийн хөнгөлөлт байхгүй зэрэг шалтгаанаар энэ технологийг ашиглаж чадахгүй байдаг гэнэ.