Дауны хам шинжтэй хүмүүсийг ОЙЛГОХОД туслах 6 кино

Жил бүрийн гуравдугаар сарын 21-ний өдрийг "Дэлхийн дауны хам шинжийн өдөр" хэмээн онцолдог. 

Дауны хам шинж нь хүний биеийн эсүүдэд илүүдэл хромсом агуулагдсанаар бий болдог генетикийн өөрчлөлт юм. Дауны хам шинжтэй хүн бүхний сурах чадвар тодорхой хэмжээгээр удаан байна. Дауны хам шинжтэй хүмүүсийн дунд нийтлэг эрүүл мэндийн онцлогууд байдаг бөгөөд зарим өвчинд өртөмтгий байх талтай. Гэсэн ч хамгийн гол нь дауны хам шинжтэй хүн бүхэн өөрийн гэсэн онцлог шинж чанар, давуу болон сул талтай, бидний л адил хүмүүс гэдгийг хүндэлж, ойлгож хандах нь чухал. 

Энэ өдрийг тохиолдуулан Дауны хам шинжтэй хүмүүсийг ойлгоход тань туслах дэлхийн хамгийн алдартай 6 киног санал болгож байна. 

1. The Peanut Butter Falcon (USA)

Загасчин залуу дауны хам шинжтэй залууг хөдөө тосгонд байрладаг бөхийн сургуульд оруулахын тулд гэрээ орхин, шинэ амьдралд хөл тавьж буй тухай өгүүлнэ. 

 

 

2. Anita (Argentina)

 

Дауны хам шинжтэй Александра Манзо ээж Дорагийн хамт аз жаргалтай амьдарч байв. Гэтэл түүний амьдрал нэг л өглөө орвонгоороо эргэх болно. 

 

 

 

 

3. The Memory’s Keeper Daughter (USA)

 

Ихрүүдийн эцэг дөнгөж төрсөн хүүхдүүдийнхээ нэгийг дауны хам шинжтэй болохыг олж мэддэг. Тэрээр дауны хам шинжтэй хүүхдээ эхнэртээ нас барсан хэмээн итгүүлж, түүнийг асрамжийн газар өсгөдөг.

 

Хожмоо харамсал тээх эцэг амьдралаа хэрхэн өөрчлөхийг тус киноноос үзээрэй. 
 

 

 

 

4. Differents Eyes (USA) 

 

Нэгэн эмэгтэй дауны хам шинжтэй бүсгүйн асран хамгаалагч болох хэрэгтэй болдог. Энэ нь түүний төгс төгөлдрийн тухай тогтсон үзлийг нураах болно. 

 

 

5. No Child of Mine (USA)

 

Бодит амьдралаас сэдэвлэсэн уг кинонд дауны хам шинжтэй хүүгээ үрчлүүлэхээр шийдсэн бүсгүйн ээж түүний шийдвэрийг өөрчлөхийн тулд хичээж буй тухай өгүүлнэ.