Орцны гадна тавьсан машиныг хулгайлсан этгээдүүдийг илрүүлжээ

Сонгинохайрхан дүүргийн нутаг дэвсгэрт 16 настай эрэгтэй Т, Н нар авто машин хулгайлсан хэрэг бүртгэгджээ. Тодруулбал, цагдаагийн байгууллагад өнгөрсөн гуравдугаар дугаар сарын 27-ны өдөр Сонгинохайрхан дүүргийн нутаг дэвсгэрт “Орцны гадна байрлуулсан тээврийн хэрэгсэл хулгайд алдагдсан” гэх дуудлага, мэдээлэл бүртгэгдсэн байна.

Тус дүүргийн Цагдаагийн газрын III хэлтсээс мөрдөн шалгах ажиллагааг шуурхай, тасралтгүй зохион байгуулж алдагдсан тээврийн хэрэгслийг эрэн сурвалжилж тус дүүргийн нутаг дэвсгэрт ууланд эзгүй газарт үлдээсэн байсныг олж тогтоон, хэргийг 16 настай эрэгтэй “Т” болон “Н” нар үйлдсэнийг илрүүлэн мөрдөн шалгах ажиллагааг үргэлжлүүлж байгаа аж.