UFC I “Талын шуурга”-тай хамт шуурцгаая

Дэлхийн мэргэжлийн холимог тулааны хамгийн том холбоо болох UFC-д одоогоор Монголоос цор ганцаар зодоглож буй зоригтой, золбоотой аавын хүү, эр бяр заан тулалдаж байгаа тамирчин бол “Талын шуурга” хочит Данаагийн Батгэрэл билээ.

Тэрбээр ээлжит тулаанаа энэ сарын 23-ны өглөө 04.00 цагт хийнэ.

Дэлхийн хэмжээнд мэргэжлийн холимог тулааны тамирчдын Bantamweight төрөлд чансаагаараа Топ 49-т жагсаж буй тэрбээр UFC-ийн Bantamweight Champion буюу анхны Монгол /Ази/ аварга болох том зорилготой. Монголын холимог тулааны урлагийг дэлхийн хэмжээнд хүргэн хөгжүүлэх, монгол тамирчдыг дэлхийд таниулж амжилтад хүргэхийн төлөө яваа нэгэн. Монголчууд цөөхөн хэдий ч дэлхийн дэвжээнд гарахаараа хэдэн тэрбум хүнээс шалгарсан гайхам хүчтэнгүүдтэй өрсөлдөн, ялж, төрийн дууллаа эгшиглүүлж чаддаг ард түмэн. Тийм болохоор дэлхийн долоон тэрбум гаруй хүнээс шалгарч UFC-д хүч үзэж буй олон орны шилдгүүдтэй өрсөлдөж буй Данаагийн Батгэрэлийгээ дэмжээрэй, монголчууд аа.

Ойрын үед та бидний огшиж үзэх, “Талын шуурга”-ыгаа дэмжиж, Ази тивээс АНУ-ын Лас Вегас хүртэл шуурч дэмжих тулаан ирэх ням гарагт шүү. UFC-ийн дүрэмд тухайн тамирчны дагагчдын тоо, аль улсаас байгаа зэргийг гаргадаг. Монголчууд гурван  сая гаруйхан ч гэлээ цахим орчинд хамгийн идэвхтэй улс, тамирчнаа дэмждэг, бахархдаг гэдгээ харуулж, Данаагийн Батгэрэлийгээ бүх талаар дэмжээрэй.

Түүний фээсбүүк, инстаграм хуудсыг дагаж, тулааны талаарх шинэ мэдээ, мэдээлэл, тэмцээний шууд бичлэгийг үзээрэй.