Б.Баттөр Хятадын "Chery automobile" компанийн төлөөлөгч болжээ

Ангууч буюу Б.Баттөр Хятадын автомашин үйлдвэрлэгч "Chery automobile" компанийн албан ёсны нүүр царайгаар ажиллаж эхэлжээ.

Хамтын ажиллагааны гэрээний хүрээнд насан туршдаа Chery загварын автомашины хүссэн загвар, төрлийг унах эрхтэй болсон тэрээр энэ тухайгаа "2023 оны Шанхай олон улсын авто шоуны үеэр (Shanghai International Automobile Industry Exhibition) Чери автомобайл компани урьж оролцуулан, албан ёсоор хамтран ажиллах амбассадор болох гэрээнд гарын үсэг зурлаа.

Миний хувьд хятадын зах зээл рүү орох, өөрийгөө дэлхий дахинд таниулах маш олон том боломжууд нээгдэж байна. Мөн насан туршдаа Чери авто машины хүссэн загвар төрлийг сонгон унах эрхийг авсандаа туйлын их баяртай байна" гэжээ. 

"Ододтой бүжиглэе" шоуны үеэр олон бүсгүйчүүдийн зүрхийг булаасан тэрээр хэдхэн хоногийн өмнө аав болох гэж буйгаа зарласан.

Салбар бүрт хүч үзэж, авхаалжтай, авьяастай нэгэн гэдгээ батлан харуулсаар буй Ангууч дэлхийд нэрээ тамгалах мөрөөдлөө алхам алхмаар биелүүлсээр явна.