Тэ Ян, Лиса нарын хамтрал дэлхийн 40 гаруй орны чартыг ТЭРГҮҮЛЛЭЭ
Дөрөвдүгээр сарын 25-нд "Big Bang" хамтлагийн Тэ Ян болон "Blackpink" хамтлагийн Лиса нарын хамтран дуулсан "Shoong!" дууны клип цацагдсан.
Тус дуу цацагдсан даруйдаа дэлхий даяарх iTunes дууны чартын 1-т бичигдсэн бол Европын iTunes чартын 2-т орсон байна. Дуучин Тэ Яний "Down to Earth" цомог нь Австрали, Хонконг, Малайз, Мексик, Филиппин, Сингапур, Тайвань зэрэг нийт 14 бүс нутагт iTunes-ийн шилдэг цомгийн жагсаалтын 1-р байрт оржээ.
Уг цомогт багтсан "Shoong!" дуу Камбож, Чили, Франц, Энэтхэг, Индонез, Филиппин, Сингапур, Испани болон бусад 40 гаруй оронд iTunes-ийн шилдэг дууны жагсаалтад тэргүүлээд байна.
"Shoong!" дуу 48 цагийн дотор 20 сая хандалт авчээ. Мөн SHOONGxTAEYANGxLISA хэмээх хаштэйг твиттер хуудаснаа трэнд болоод байна.
Холбоотой мэдээ
Сэтгэгдэл ( 0 )