Мадонна 20 жилийн өмнө хориглогдсон "American life" дууны клипээ цацлаа

Дуучин Мадонна "American life" дууны анхны клипээ 20 жилийн өмнө гаргаж байсан. Гэвч уг дууны клипэн дээр хэт аймшигтай дүрслэлүүд гардаг учраас уг клипийг олон нийтэд цацахын хоригложээ. 

Хүчирхийлэл дүүрэн уг видео клипнийхээ өөрчилсөн хувилбарыг 20 жилийн дараа олон нийтэд цацахаар шийдсэн Мадонна хэд хэдэн дүрслэлийг уг клипнээсээ хасжээ. 

Анхны видео клипэн дээр АНУ Ирак руу довтолж буй тухай өгүүлдэг. Өндөр зэрэглэлийн загварын шоу дээр дайны үеийн харгис үйлдлүүд нэмэгдэн эмх замбараагүй байдал үүсэх бөгөөд дайны үеийн жинхэнэ хохирогчдын зураг хүртэл гардаг байна. Мөн тухайн үеийн Ерөнхийлөгч Жорж Буш гартаа гранат атган тамхи асааж буй дүрслэл хасагджээ. 

Поп од Мадонна дуулж эхлээд 40 жил болж буй. 40 жилийнхээ ойг тохиолдуулан “The Celebration Tour” хэмээх аялан тоглолтоо хийхээр зэхээд байгаа тэрээр тайзнаа ямар галзуу үзүүлбэрүүд үзүүлэх нь одоогоор нууц хэвээр байна.