ШИЛЭН | ЖДҮХС-ийн МУУ ЗЭЭЛДЭГЧДИЙН жагсаалт

Д.Үржинбадам | Zindaa.mn

2023 оны 05 сарын 02

Засгийн газраас хэрэгжүүлж байгаа авлигатай тэмцэх "5Ш" ажиллагааны нэг нь "Шилэн ажиллагаа" юм. Энэхүү ажиллагааг ЦХХХЯ хариуцан, Нийтийн мэдээллийн ил тод байдлын хуулийн хэрэгжилттэй уялдуулан мэдээлэл хариуцагч 5000 гаруй байгууллагын 68 төрлийн мэдээллийг shilen.gov.mn сайтад ил тод, нээлттэй байршуулж байгаа юм.

Одоогийн байдлаар тус сайтад яам, агентлагуудаас олгосон 14,253 зөвшөөрөл, Тусгай хамгаалалттай газарт олгосон 2,162 зөвшөөрөл, Хөдөө аж ахуйг дэмжих сангаас олгосон 8,993 зээл, төрийн өмчит болон төрийн оролцоотой байгууллагуудын ТУЗ-ийн 555 гишүүний цалингийн мэдээлэл, Ашигт малтмалын 2,598 тусгай зөвшөөрөл, Түрээслүүлэгч 2,944 байгууллагын улсад төвлөрүүлсэн түрээсийн орлого, Жижиг, дунд үйлдвэрийг хөгжүүлэх сангаас олгосон 912 зээлийн мэдээллийг ил болгоод байна.

Өнөөдөр та бүхэнд 2023 оны дөрөвдүгээр сарын 25-ны өдөр нээлттэй болсон Жижиг, дунд үйлдвэрийг хөгжүүлэх сан /ЖДҮХС/-ийн зээлийн мэдээллээс хүргэе.

ЖДҮХС 2008 оноос хойш нийт 270 тэрбум төгрөгийн зээлийг 1295 хүн, хуулийн этгээдэд олгосноос хэвийн зээл 336, эргэлзээтэй 60, муу зээл 372 байна. Үүнээс өнөөдрийн байдлаар 221.4 (221,394,906,030) тэрбум төгрөгийн зээл төлөгдөөгүй байгаа юм.

Төлөгдөөгүй байгаа зээлээс 500 саяас 2 тэрбум хүртэлх төгрөгийн эргэлзээтэй, муу зээлдэгчдийн мэдээллийг онцлон, жагсаалтаар хүргэе. Та бүхэн дэлгэрэнгүйг shilen.gov.mn -д хандан танилцах боломжтой.

Улаанбаатар аймаг/хотын жижиг дунд үйлдвэрлэлийг дэмжих сангийн зээл: