Элчин сайд эх орныхоо нэрийг өргөсөн Б.Заяатад БАЯР ХҮРГЭВ

Автор | Zindaa.mn
2023 оны 05 сарын 04

Москва хотноо зохион байгуулагдсан “Ялта хүрэх зам” олон улсын хөгжмийн тавдугаар наадамд Монгол Улсыг төлөөлөн оролцсон СУИС-ийн оюутан Б.Заяат Гуравдугаар байр эзэлсэн билээ.

ОХУ-ын Ерөнхийлөгчийн ивээл дор Оросын “Хүмүүнлэгийн ертөнц” сангаас зохион байгуулсан энэхүү наадам нь түүний оролцсон анхны Олон улсын хэмжээний том уралдаан аж.

Тэгвэл эх орныхоо нэрийг өндөрт өргөсөн Б.Заяатыг Монгол Улсаас ОХУ-д суугаа Онц бөгөөд Бүрэн Эрхт Элчин сайд Ө.Энхтүвшин Элчин сайдын яамны төв байранд хүлээн авч уулзаж, баяр хүргэжээ.

Олон улсын наадмын шалгаруулалтад 56 орны 900 гаруй дуучдаас төгсгөлийн шатанд сонгогдож, 15 орны 15 шилдэг дуучдын тоонд үлдэж, Монголын дуурийн урлагт суралцаж буй оюутны чансааны өндөр түвшнийг Кремлийн тайзнаа харуулсан Б.Заяатад Элчин сайд талархал илэрхийлэв.

Кремлийн тайзнаа 6000 үзэгчийн өмнө гарч, тэргүүн байрын төлөө өрсөлдсөн Б.Заяат нь 22 настай, СУИС-ийн Сонгодог урлагийн тэнхимийн дуурийн дуулаачийн 4-р дамжааны оюутан юм.

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
ЗОЧИН (202.9.47.9)  2023 оны 05 сарын 04

Энэ бэлтгэлийн хувцастай нь хэн бэ.

0  |  0
зочин (103.212.118.236)  2023 оны 05 сарын 04

дэлхийд од болоорой монгол дээл гоё байна

0  |  0
зочин  (43.228.130.188)  2023 оны 05 сарын 04

ГҮҮД сайн хичээгээрэй \n

0  |  0
Top