СУИС-ийн "Монгол эрдэнэ" нэгдсэн тоглолт хоёр дахь удаагаа боллоо

“Хэл, соёлыг эрхэмлэх жил” уриатай 2022-2023 оны хичээлийн жилийн сургалт, судалгаа, уран бүтээлийн шилдгийн шилдэг үр дүнгээр, соёл урлагийн сургалтыг Ерөнхий боловсролын сургуулийн ахлах ангийн сурагчид, төрийн болон төрийн бус их, дээд сургуулийн оюутан залуус, эцэг эх, ажил олгогчдод сурталчлах зорилгоор “Монгол эрдэнэ-2023” нэгдсэн тоглолтыг 2023 оны тавдугаар сарын 2-нд Соёл Урлагийн Их Сургууль (СУИС)-ийн бүтцийн 6 сургуулийн бакалавр, магистрант, докторант оюутнууд, Бадмаараг ахлах сургуулийн сурагчид, төгсөгчид, багш нар зэрэг 500 гаруй хүний бүрэлдэхүүнтэйгээр Соёлын төв өргөөнд амжилттай зохион байгууллаа.

“Монгол эрдэнэ” нэгдсэн тоглолтоос СУИС-ийн ахлах болон бүтцийн сургуулиудын сургалтын ахиц дэвшил, хөгжлийн чиг хандлагыг үндэсний болон сонгодог, гадаадын болон дотоодын мэргэжлийн уран бүтээлчдийн бүтээлийг хэрхэн бүжиглэх, хөгжимдөх, дуулах, жүжиглэх ур чадвараас харж болно.

Энэ удаагийн тоглолт олон нийтэд зориулсан соёлын үйлчилгээг тогтмолжуулах, соёл урлагаар дамжуулан залуу үеийг төлөвшүүлэх, монголчуудын эрхэмлэн дээдлэх үнэт зүйлсийг таниулах, түгээн дэлгэрүүлэх, иргэдийн соёл урлагийн боловсролыг дээшлүүлэхийг зорьж, Нийслэлийн Засаг даргын Тамгын газар, Соёл, урлагийн их сургуулийн хамтран ажиллах санамж бичгийн хүрээнд болж байгаагаараа онцлогтой ажээ. 

Зохион байгуулагчид: Соёл урлагийн их сургууль, Бүжгийн урлагийн сургууль, Дүрслэх урлагийн академи, Радио, телевиз, медиа урлагийн сургууль, Соёлын сургууль, Театрын урлагийн сургууль, Хөгжмийн урлагийн сургууль, Бадмаараг ахлах сургууль

Хамтран зохион байгуулагчид: Нийслэлийн Засаг даргын Тамгын газар, Нийслэлийн Соёл урлагийн газар

Дэмжигч байгууллага: Нийслэлийн Ерөнхий боловсролын Сургуулиуд (50, 28, 23, 61, 57, 5, 17, 49, 39, 109, 78, 24, 48, 33, 1 болон тусгай хэрэгцээт 55-р сургууль), Олонлог сургууль, Жаргалан сургууль, Боролдой сургууль

Мэдээллийн түнш: MҮОНР, NTN телевиз