"NCT" хамтлагийн бие хамгаалагч шүтэн бишрэгчийн хавиргыг хугалжээ

Өмнөд Солонгосын "NCT" хамтлагийн бие хамгаалагч шүтэн бишрэгч эмэгтэйнхээ хавиргыг хугалсан хэрэгт холбогджээ. 

Бие хамгаалагч залуу энэ сарын 20-ний өдөр Инчоны олон улсын нисэх онгоцны буудал дээр 30 орчим насны эмэгтэйг түлхэж, улмаар хавиргыг нь хугалсан хэргээр прокурорт дуудагджээ. Эмэгтэй эдгэрэхийн тулд дор хаяж 5 долоо хоног шаардлагатай гэжээ. "NCT" хамтлагийн бие хамгаалагч залууг танхайн хэрэгт холбогдуулан шалгаж эхлээд байгаа гэнэ. 

Прокурорын газраас сэжигтэнд яллах дүгнэлт үйлдэхийн өмнөх шатны шалгалтын ажиллагаа явуулж байгаа хэмээн мэдээлжээ.