Хурдан морины бүсийн уралдааныг ойн баяр наадамтай хамт хийнэ

Автор | Zindaa.mn
2023 оны 06 сарын 07

Засгийн газрын ээлжит хуралдаан 2023 оны зургадугаар сарын 7-нд болж дараах асуудлуудыг хэлэлцэн шийдвэрлэлээ.

Архангай, Төв, Завхан, Хэнтий,  Говь-Алтай аймаг 100 жилийн ойн баяр наадам тэмдэглэнэ

Ардын Засгийн газрын 1923 оны шийдвэрээр Цэцэрлэг Мандал уулын аймаг, Богд хан уулын аймаг, Хантайшир уулын аймаг, Хан Хэнтий уулын аймаг байгуулагдсаны 100 жилийн ойн баяр наадмыг Архангай, Төв, Завхан, Хэнтий аймагт 2023 оны долдугаар сарын 27, 28-нд, Хантайшир уулын аймаг байгуулагдсаны 100 жилийн ойн баяр наадмыг Говь-Алтай аймагт наймдугаар сарын 01, 02-нд тус тус тэмдэглэнэ.

Хурдан морины бүсийн уралдааныг аймаг байгуулагдсаны ойн баяр наадамтай хамтатган зохион байгуулна.

Мөн аймгийн Засаг дарга нараас ирүүлсэн саналыг үндэслэн Говьсүмбэр аймгийн баяр наадмыг 2023 оны долдугаар сарын 06, 07, Булган аймгийн баяр наадмыг тус сарын 08, 09, Дорноговь аймгийн баяр наадмыг 27, 28-нд тус тус тэмдэглэхийг зөвшөөрлөө.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин (66.181.161.48)  2023 оны 06 сарын 11

Гуяалзай чинь биш дээ 90 жилээс байгаагүй шүү дээ 4 аймаг л байсан дураараа юм болж байх шив дээ тэгвэл бүх аймаг 100 хгаа зэрэг хийчих амар биз дээ зардал багатай

0  |  0
Зочин (202.9.46.160)  2023 оны 06 сарын 11

Говь-Алтайг Завханаас сүүлд салгаж байгуулсан биз дээ.яяагаад 100 жил тэмдэглэх болов.Ингэвэл бүх л аймаг 100 жил тэмдэглэнэ биз дээ.

1  |  0
Top