“Монголч эрдэмтэн Герасимович-Монголын уран зохиол судлалын бүтэн эрин үе” уулзалт болов

Нэрт монголч эрдэмтэн, Монголын утга зохиолын талаар 70 гаруй өгүүлэл, 4 монографи бичсэн Людмила Константиновна Герасимовичийн мэндэлсний 100 жилийн ойг Монголын эрдэмтэд Улаанбаатар хотноо тэмдэглэн өнгөрүүлжээ.

Эрдэмтэн, хэл судлаач, монголч эрдэмтэн, утга зохиол судлаач, хэл шинжлэлийн ухааны доктор Людмила Константиновна Герасимович олон шавь нарынхаа дурсгалд онцгой багшаар үлджээ. Тэрээр Монголын сонгодог утга зохиолын шүүмжлэлийн өөрийн гэсэн сургуулийг бий болгож, Монголын утга зохиолын оюутан судлаачдыг бэлтгэсэн. Зөвхөн монгол төгсөгчдийн дунд зургаан шинжлэх ухааны кандидат, таван шинжлэх ухааны доктор байна. Тэдний нэг болох МУИС-ийн доктор, профессор С.Байгалсайхан “Монголын утга зохиолыг дэлхийд таниулсан Оросын эрдэмтэн” сэдэвт илтгэлийг танилцууллаа.

Тэрээр “10 жилийн өмнө Людмила Константиновна Герасимовичийн мэндэлсний 90 жилийн ойг тохиолдуулан бид “Монгол улс Л.К.Герасимовичийн амьдралд: дурсамж, захидал, гэрэл зураг" нэртэй номыг гаргасан. Энэхүү хэвлэлд агуу эрдэмтний амьдрал, шинжлэх ухааны бүтээлийн тухай өгүүлдэг. Людмила Константиновна бол Монголын утга зохиол судлалын бүхэл бүтэн эрин үе юм. Ялангуяа түүний бичсэн "БНМАУ-ын уран зохиол" хэмээх ном нь англи хэлнээ орчуулагдаж, АНУ-д дахин хэвлэгдэж, дэлхийн монголч эрдэмтдийн мэдээллийн гол эх сурвалж хэвээр байсаар байгаа нь онцлог юм" гэлээ.