Л.Цолмонбаяр Азийн хөлбөмбөгийн холбооны сургалтад хамрагдлаа

Монголын хөлбөмбөгийн холбоо (МХБХ)-ны Тэмцээн зохион байгуулах хэлтсийн мэргэжилтэн Л.Цолмонбаяр Азийн хөлбөмбөгийн холбооны сургалтуудад гурван сарын турш суралцаж, амжилттай тайлангаа хамгаалсан байна.

Түүний хувьд “AFC 3rd Intership Programme”-д хамрагдах хугацаандаа Азийн хөлбөмбөгийн холбооны тэмцээн, Зохион байгуулах хэлтэс гээд нийт 66 хүний бүрэлдэхүүнтэй том бүтэц дунд хамтран ажиллаж, мөн Азийн хөлбөмбөгийн холбооноос зохион байгуулж буй, цаашид зохион байгуулах тэмцээний бүтэц, зохион байгуулалт болон бэлтгэл ажилд гар бие оролцож, алдаа мадаггүй ажлуудаа гүйцэтгэжээ.