Найман прокурорын бүрэлдэхүүнтэй Ажлын хэсэг байгуулжээ

Э.Мөнхжин | Zindaa.mn
2023 оны 07 сарын 25

Бусдын эд хөрөнгийг шилжүүлэн авахаар хүч хэрэглэх, заналхийлэх гэмт хэргийг зохион байгуулалттай бүлэглэн үйлдэж, хүний халдашгүй, чөлөөтэй байх эрх зөрчигдөж байгаа талаар хэвлэл мэдээллийн хэрэгслээр удаа дараа нийтлэгдэх болсон.

Улсын ерөнхий прокуророос  хүний эрх, эрх чөлөө, өмчлөх эрхийг хамгаалах, гэмт үйлдлийг таслан зогсоох, зөрчигдсөн эрхийг сэргээх зорилгоор зохион байгуулалттай бүлэг этгээдийн үйлдсэн бусдын эд хөрөнгийг авахаар хүч хэрэглэсэн, заналхийлсэн гэмт хэргийг шалгаж, шийдвэрлэх 8 прокурорын бүрэлдэхүүнтэй ажлын хэсгийг байгуулжээ.

Ажлын хэсэг нь мөрдөн шалгах ажиллагаа явуулж байгаа хэрэг бүртгэлт, мөрдөн байцаалтын хэргийг шалгаж шийдвэрлэхэд зохион байгуулалтын арга хэмжээ авч, хэрэгжүүлж байна. Тухайлбал, нийт 32 хүнийг эрүүгийн хэрэг үүсгэж яллагдагчаар татан, гэмт хэргийг шуурхай, бүрэн илрүүлэх, дахин үйлдэгдэхээс урьдчилан сэргийлэх зорилгоор 25 хүнд цагдан хорих таслан сэргийлэх арга хэмжээ авсан байна.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Цэен ойдов Болормаа (202.9.46.183)  2023 оны 07 сарын 26

Манай СЭЛЭНГЭД КОМИСС ТОМИЛЖ ӨГ Л ДӨӨ.ХОХИРСООР ХЭЛМЭГДСЭЭР Л БАЙНА ШҮҮ ДЭЭ.

0  |  0
Зочин (66.181.176.237)  2023 оны 07 сарын 27

Бэрэнгийн Мөнхтөр улсыг 82 тэрбум төгрөгөөр хохироосн байхад ял өгдөггүй мөртлөө хэдэн ишиг хулгайлсан, талбайд үг хэлсэн хүмүүстг төрийн хатуу цээрлэл үзүүлж, сүрийг бадруулж гэнэ.

0  |  1
Top