Чөлөөт бөхийн холбоо ДАШТ-ий өмнө СОРИЛГО явуулахаар шийдвэрлэжээ

2023 оны бөхийн чөлөөт, сонгомол барилдааны Дэлхийн аварга шалгаруулах тэмцээн есдүгээр сард Сербийн нийслэл Белград хотод болно.

Дэлхийн аваргад оролцох Монголын шигшээ багийг хэрхэн тодруулах асуудал чөлөөтийнхний хувьд маргааны суурь болоод байна. Маргааны гол үндэс нь гуравдугаар сард болсон УАШТ-д түрүүлсэн бөхчүүд ДАШТ-д явах уу, сорилт барилдаан хийж, хэн ялсан нь явах уу гэдэг дээр тамирчдын санал зөрөлдөөд байгаа. Түүнчлэн Сорилго тэмцээний хугацаа, журам зэрэг дээр маргаан тасрахгүй байсан бол Монголын чөлөөт бөхийн холбооны Мэргэжлийн зөвлөлөөс өчигдөр (2023.07.25) ДАШТ-ий сонгон шалгаруулалт хийх сорилго барилдааны хугацаа, бусад шийдвэрийг танилцууллаа.