Дорнод Монголын хээрийг Дэлхийн өвд нэр дэвшүүлэх талаар танилцуулжээ

Монгол Улсын Засгийн газрын  350 дугаар тогтоолоор Дэлхийн өвийн үндэсний хорооны бүрэлдэхүүнийг шинэчлэн баталсан бөгөөд өнөөдөр тус хорооны ээлжит хурлыг Гадаад харилцааны яаманд зохион байгуулж байна. 

Хурлаар “Буган чулуун хөшөө, хүрлийн үеийн холбогдох дурсгалууд”, “Алтай өндөр уулс” номинациудын ЮНЕСКО-ийн дэргэдэх зөвлөх статустай Хөшөө дурсгал, дурсгалт газрын олон улсын зөвлөл /ICOMOS/ болон Дэлхийн байгаль хамгаалах холбооноос ирүүлсэн үнэлгээний дүгнэлттэй танилцлаа. 

Мөн “Дорнод Монголын хээрийг Дэлхийн өвд нэр дэвшүүлэх нь” төслийг гишүүд сонсож, өөрсдийн байр суурийг илэрхийлэв.

Хуралд БОАЖЯ-ны Тусгай хамгаалалттай газар нутгийн бодлого зохицуулалтын газрын дарга Н.Баатарцогт, Усны газрын дарга Я.Болдбаатар нар оролцож байна.