Олон улсын залуу сэтгүүлчид наадмын талбарт ажиллана
"Улаанбаатар 2023" Зүүн Азийн Залуучуудын Наадмын Зохион байгуулах хороо, Монголын Үндэсний олимпын хороо, Монголын Спортын сэтгүүлчдийн холбоо хамтран Олон улсын практикийн дагуу "Young Reporter" залуу сэтгүүлчдийн хөтөлбөрийг хэрэгжүүлж байна.
Бидний урилгаар Тайванийн ҮОХ-ны төлөөлөгч Ма Жень-Цо, Ван И-Тун, мөн Улаанбаатараас шалгарсан "Шинэ Эрин" сургуулийн сурагч Б.Энэрэл, Нэгдүгээр сургуулийн Б.Нямхишиг нар энэ хөтөлбөрийн азтай оролцогч боллоо.
Формоза арлаас Монголд хөл тавьсан Мелани охин нь 16 настай, хөнгөн атлетикийн уртын харайлтаар хичээллэдэг бол 18 настай Ма Вень-Жо хөвгүүн сагсан бөмбөг тоглодог, хоёулаа Каошюн хотын ахлах сургуулийн сурагчид ажээ.
Тэд анх удаа манай оронд зочилж байгаа бөгөөд өмнө нь харайгч нь Австрали, сагсчин нь Японд аялж байсан гэнэ. Тайванийн өмнөд боомт хот Каошюнаас ирсэн өсвөр сурвалжлагч маань хөдөө нутагт аялж, нүүдэлчний амьдралтай танилцан, морь унаж, тэмээ харах сонирхолтой гэдгээ хэлж байлаа.
Мэдээж энэ баг, олон улсын экипаж хоорондоо үерхэн нөхөрлөж, хамтдаа долоо хоногийг хөгжилтэй өнгөрөөн, алт, мөнгө, хүрэл медалийн ховор агшинг цугтаа үзэх нь дамжиггүй.
Холбоотой мэдээ
Сэтгэгдэл ( 2 )
За яах вэ, фронт гэдэг үгийг ашиглаж болох ч зөв бичих хэрэгтэй л дээ
Фронд биш фронт байх л даа.Фронт гэдэг бол дайн байлдаан болж байгаа газар л яригддаг зүйл дээ уг нь.Энэ мэдээний агуулга гэж авах юм алгаа.Тэмцээний талбар гэх гээд байгаа юм байх даа.Монгол хэл бичгээ мэдэж байж мэдээ бичмээр юм даа